1:1 ὁ ην απ᾽ αρχης, ὁ ακηκοαμεν, ὁ ἑωρακαμεν τοις οφθαλμοις ἡμων, ὁ εθεασαμεθα και αἱ χειρες ἡμων εψηλαφησαν, περι του λογου της ζωης. και ἡ ζωη εφανερωθη, και ἑωρακαμεν και μαρτυρουμεν και απαγγελλομεν ὑμιν την ζωην την αιωνιον ἡτις ην προς τον πατερα και εφανερωθη ἡμιν ὁ ἑωρακαμεν και ακηκοαμεν, απαγγελλομεν και ὑμιν, ἱνα και ὑμεις κοινωνιαν εχητε μεθ᾽ ἡμων. και ἡ κοινωνια δε ἡ ἡμετερα μετα του πατρος και μετα του υἱου αυτου ιησου χριστου. και ταυτα γραφομεν ὑμεις ἱνα ἡ χαρα ἡμων η πεπληρωμενη.
1:5 και εστιν αὑτη ἡ αγγελια ἡν ακηκοαμεν απ᾽ αυτου και αναγγελλομεν ὑμιν, ὁτι ὁ θεος φως εστιν και σκοτια εν αυτω ουκ εστιν ουδεμια. εαν ειπωμεν ὁτι κοινωνιαν εχομεν μετ᾽ αυτου και εν τω σκοτει περιπατωμεν, ψευδομεθα και ου ποιουμεν την αλη θειαν, εαν δε εν τω φωτι περιπατωμεν, ὡς αυτος εστιν εν τω φωτι, κοινωνιαν εχομεν μετ᾽ αλληλων και το αἱμα ιησου του υἱου αυτου καθαριζει ἡμας απο πασης ἁμαρτιας. εαν ειπωμεν ὁτι ἁμαρτιαν ουκ εχομεν, ἑαυτους πλανωμεν και ἡ αληθεια ουκ εστιν εν ἡμιν. εαν ὁμολογωμεν τας ἁμαρτιας ἡμων, πιστος εστιν και δικαιος ἱνα αφη ἡμιν τας ἁμαρτιας και καθαριση ἡμας απο πασης αδικιας. εαν ειπωμεν ὁτι ουχ ἡμαρτηκαμεν, ψευστην ποιουμεν αυτον, και ὁ λογος αυτου ουκ εστιν εν ἡμιν.
2:1 τεκνια μου, ταυτα γραφω ὑμιν ἱνα μη ἁμαρτητε, και εαν τις ἁμαρτη παρακλητον εχομεν προς τον πατερα, ιησουν χριστον δικαιον, 2:3 και εν τουτω γινωσκομεν ὁτι εγνωκαμεν αυτον, εαν τας εντολας αυτου τηρωμεν. ὁ λεγων ὁτι· εγνωκα αυτον. και τας εντολας αυτου μη τηρων ψευστης εστιν και εν τουτω ἡ αληθεια ουκ εστιν, ὁς δ᾽ αν τηρη αυτου τον λογον, αληθως εν τουτω ἡ αγαπη του θεου τετελειωται. εν τουτω γινωσκομεν ὁτι εν αυτω εσμεν. ὁ λεγων εν αυτω μενειν οφειλει, καθως εκεινος περιεπατησεν, και αυτος οὑτως περιπατειν.
2:7 αγαπητοι, ουκ εντολην καινην γραφω ὑμιν αλλ᾽ εντολην παλαιαν ἡν ειχετε απ᾽ αρχης. ἡ εντολη ἡ παλαια εστιν ὁ λογος ὁν ηκουσατε. παλιν εντολην καινην γραφω ὑμιν, ὁ εστιν αληθες εν αυτω και εν ὑμιν ὁτι· ἡ σκοτια παραγεται και το φως το αληθινον ηδη φαινει. ὁ λεγων εν τω φωτι ειναι και τον αδελφον αυτου μισων, εν τη σκοτια εστιν ἑως αρτι. ὁ αγαπων τον αδελφον αυτου εν τω φωτι μενει και σκανδαλον εν αυτω ουκ εστιν. ὁ δε μισων τον αδελφον αυτου εν τη σκοτια εστιν και εν τη σκοτια περιπατει και ουκ οιδεν που ὑπαγει, ὁτι ἡ σκοτια ετυφλωσεν τους οφθαλμους αυτου.
2:12 γραφω ὑμιν, τεκνια, ὁτι αφεωνται ὑμιν αἱ ἁμαρτιαι δια το ονομα αυτου. γραφω ὑμιν, πατερες, ὁτι εγνωκατε τον απ᾽ αρχης. γραφω ὑμιν, νεανισκοι, ὁτι νενικηκατε τον πονηρον.
2:14 εγραψα ὑμιν, παιδια, ὁτι εγνωκατε τον πατερα. εγραψα ὑμιν, πατερες, ὁτι εγνωκατε τον απ᾽ αρχης. εγραψα ὑμιν, νεανισκοι, ὁτι ισχυροι εστε και ὁ λογος του θεου εν ὑμιν μενει και νενικηκατε τον πονηρον.
2:15 μη αγαπατε τον κοσμον μηδε τα εν τω κοσμω. εαν τις αγαπα τον κοσμον, ουκ εστιν ἡ αγαπη του πατρος εν αυτω, ὁτι παν το εν τω κοσμω, ἡ επιθυμια της σαρκος και ἡ επιθυμια των οφθαλμων και ἡ αλαζονεια του βιου, ουκ εστιν εκ του πατρος αλλ᾽ εκ του κοσμου εστιν. και ὁ κοσμος παραγεται και ἡ επιθυμια αυτου, ὁ δε ποιων το θελημα του θεου μενει εις τον αιωνα.
2:18 παιδια, εσχατη ὡρα εστιν, και καθως ηκουσατε ὁτι αντιχριστος ερχεται, και νυν αντιχριστοι πολλοι γεγονασιν. ὁθεν γινωσκομεν ὁτι εσχατη ὡρα εστιν. εξ ἡμων εξηλθον αλλ᾽ ουκ ησαν εξ ἡμων, ει γαρ εξ ἡμων ησαν μεμενηκεισαν αν μεθ᾽ ἡμων, αλλ᾽ ἱνα φανερωθωσιν ὁτι ουκ εισιν παντες εξ ἡμων. και ὑμεις χρισμα εχετε απο του ἁγιου και οιδατε παντες. ουκ εγραψα ὑμιν ὁτι ουκ οιδατε την αληθειαν αλλ᾽ ὁτι οιδατε αυτην, και ὁτι παν ψευδος εκ της αληθειας ουκ εστιν.
2:22 τις εστιν ὁ ψευστης ει μη ὁ αρνουμενος ὁτι ιησους ουκ εστιν ὁ χριστος; οὑτος εστιν ὁ αντιχριστος ὁ αρνουμενος τον πατερα και τον υἱον. πας ὁ αρνουμενος τον υἱον ουδε τον πατερα εχει, ὁ ὁμολογων τον υἱον και τον πατερα εχει. ὑμεις ὁ ηκουσατε απ᾽ αρχης, εν ὑμιν μενετω, εαν εν ὑμιν μεινη ὁ απ᾽ αρχης ηκουσατε, και ὑμεις εν τω υἱω και εν τω πατρι μενειτε. και αὑτη εστιν ἡ επαγγελια ἡν αυτος επηγγειλατο ἡμιν, την ζωην την αιωνιον.
2:26 ταυτα εγραψα ὑμιν περι των πλανωντων ὑμας. και ὑμεις, το χρισμα ὁ ελαβετε απ᾽ αυτου μενει εν ὑμιν και ου χρειαν εχετε ἱνα τις διδασκη ὑμας, αλλ᾽ ὡς το αυτο χρισμα διδασκει ὑμας περι παντων και αληθες εστιν και ουκ εστιν ψευδος, και καθως εδιδαξεν ὑμας μενειτε εν αυτω.
2:28 και νυν, τεκνια, μενετε εν αυτω ἱνα εαν φανερωθη σχωμεν παρρησιαν και μη αισχυνθωμεν απ᾽ αυτου εν τη παρουσια αυτου. εαν ειδητε ὁτι δικαιος εστιν, γινωσκετε ὁτι και πας ὁ ποιων την δικαιοσυνην εξ αυτου γεγεννηται.
3:1 ιδετε ποταπην αγαπην δεδωκεν ἡμιν ὁ πατηρ ἱνα τεκνα θεου κληθωμεν. δια τουτο ὁ κοσμος ου γινωσκει ὑμας ὁτι ουκ εγνω αυτον. αγαπητοι, νυν τεκνα θεου εσμεν και ουπω εφανερωθη τι εσομεθα, οιδαμεν ὁτι εαν φανερωθη ὁμοιοι αυτω εσομεθα ὁτι οψομεθα αυτον καθως εστιν. και πας ὁ εχων την ελπιδα ταυτην επ᾽ αυτω ἁγνιζει ἑαυτον καθως εκεινος ἁγνος εστιν.
3:4 πας ὁ ποιων την ἁμαρτιαν και την ανομιαν ποιει, και ἡ ἁμαρτια εστιν ἡ ανομια. και οιδατε ὁτι εκεινος εφανερωθη ἱνα τας ἁμαρτιας αρη, και ἁμαρτια εν αυτω ουκ εστιν. πας ὁ εν αυτω μενων ουχ ἁμαρτανει. πας ὁ ἁμαρτανων ουχ ἑωρακεν αυτον ουδε εγνωκεν αυτον.
3:7 τεκνια, μηδεις πλανατω ὑμας, ὁ ποιων την δικαιοσυνην δικαιος εστιν καθως εκεινος δικαιος εστιν. ὁ ποιων την ἁμαρτιαν εκ του διαβολου εστιν ὁτι απ᾽ αρχης ὁ διαβολος ἁμαρτανει. εις τουτο εφανερωθη ὁ υἱος του θεου, ἱνα λυση τα εργα του διαβολου. πας ὁ γεγεννημενος εκ του θεου ἁμαρτιαν ου ποιει ὁτι σπερμα αυτου εν αυτω μενει, και ου δυναται ἁμαρτανειν ὁτι εκ του θεου γεγεννηται, εν τουτω φανερα εστιν τα τεκνα του θεου και τα τεκνα του διαβολου. πας ὁ μη ποιων δικαιοσυνην ουκ εστιν εκ του θεου, και ὁ μη αγαπων τον αδελφον αυτου, ὁτι αὑτη εστιν ἡ αγγελια ἡν ηκουσατε απ᾽ αρχης, ἱνα αγαπωμεν αλληλους, ου καθως καϊν εκ του πονηρου ην και εσφαξεν τον αδελφον αυτου. και χαριν τινος εσφαξεν αυτον; ὁτι τα εργα αυτου πονηρα ην, τα δε του αδελφου αυτου δικαια. μη θαυμαζετε, αδελφοι, ει μισει ὑμας ὁ κοσμος.
3:14 ἡμεις οιδαμεν ὁτι μεταβεβηκαμεν εκ του θανατου εις την ζωην ὁτι αγαπωμεν τους αδελφους· ὁ μη αγαπων μενει εν τω θανατω. πας ὁ μισων τον αδελφον αυτου ανθρωποκτονος εστιν, και οιδατε ὁτι πας ανθρωποκτονος ουκ εχει ζωην αιωνιον εν αυτω μενουσαν. εν τουτω εγνωκαμεν την αγαπην, ὁτι εκεινος ὑπερ ἡμων την ψυχην αυτου εθηκεν, και ἡμεις οφειλομεν ὑπερ των αδελφων τας ψυχας θειναι. ὁς δ᾽ αν εχη τον βιον του κοσμου και θεωρη τον αδελφον αυτου χρειαν εχοντα και κλειση τα σπλαγχνα αυτου απ᾽ αυτου, πως ἡ αγαπη του θεου μενει εν αυτω; τεκνια, μη αγαπωμεν λογω μηδε τη γλωσση αλλ᾽ εν εργω και αληθεια.
3:19 και εν τουτω γνωσομεθα ὁτι εκ της αληθειας εσμεν, και εμπροσθεν αυτου πεισομεν τας καρδιας ἡμων, ὁτι εαν καταγινωσκη ἡμων ἡ καρδια, ὁτι μειζων εστιν ὁ θεος της καρδιας ἡμων και γινωσκει παντα. αγαπητοι, εαν ἡ καρδια ἡμων μη καταγινωσκη, παρρησιαν εχομεν προς τον θεον, και ὁ εαν αιτωμεν λαμβανομεν παρ᾽ αυτου, ὁτι τας εντολας αυτου τηρουμεν και τα αρεστα ενωπιον αυτου ποιουμεν. και αὑτη εστιν ἡ εντολη αυτου, ἱνα πιστευσωμεν τω ονοματι του υἱου αυτου ιησου χριστου και αγαπωμεν αλληλους, καθως εδωκεν εντολην ἡμιν. και ὁ τηρων τας εντολας αυτου εν αυτω μενει και αυτος εν αυτω. και εν τουτω γινωσκομεν ὁτι μενει εν ἡμιν, εκ του πνευματος οὑ ἡμιν εδωκεν.
4:1 αγαπητοι, μη παντι πνευματι πιστευετε αλλα δοκιμαζετε τα πνευματα ει εκ του θεου εστιν, ὁτι πολλοι ψευδοπροφηται εξεληλυθασιν εις τον κοσμον. εν τουτω γινωσκετε το πνευμα του θεου· παν πνευμα ὁ ὁμολογει ιησουν χριστον εν σαρκι εληλυθοτα εκ του θεου εστιν· και παν πνευμα ὁ μη ὁμολογει τον ιησουν εκ του θεου ουκ εστιν. και τουτο εστιν το του αντιχριστου ὁ ακηκοατε ὁτι ερχεται και νυν εν τω κοσμω εστιν ηδη.
4:4 ὑμεις εκ του θεου εστε, τεκνια, και νενικηκατε αυτους, ὁτι μειζων εστιν ὁ εν ὑμιν η ὁ εν τω κοσμω. αυτοι εκ του κοσμου εισιν. δια τουτο εκ του κοσμου λαλουσιν και ὁ κοσμος αυτων ακουει. ἡμεις εκ του θεου εσμεν· ὁ γινωσκων τον θεον ακουει ἡμων, ὁς ουκ εστιν εκ του θεου ουκ ακουει ἡμων. εκ τουτου γινωσκομεν το πνευμα της αληθειας και το πνευμα της πλανης.
4:7 αγαπητοι, αγαπωμεν αλληλους, ὁτι ἡ αγαπη εκ του θεου εστιν, και πας ὁ αγαπων εκ του θεου γεγεννηται και γινωσκει τον θεον. ὁ μη αγαπων ουκ εγνω τον θεον, ὁτι ὁ θεος αγαπη εστιν. εν τουτω εφανερωθη ἡ αγαπη του θεου εν ἡμιν, ὁτι τον υἱον αυτου τον μονογενη απεσταλκεν ὁ θεος εις τον κοσμον ἱνα ζησωμεν δι᾽ αυτου. εν τουτω εστιν ἡ αγαπη, ουχ ὁτι ἡμεις ηγαπησαμεν τον θεον, αλλ᾽ ὁτι αυτος ηγαπησεν ἡμας και απεστειλεν τον υἱον αυτου ἱλασμον περι των ἁμαρτιων ἡμων.
4:11 αγαπητοι, ει οὑτως ὁ θεος ηγαπησεν ἡμας, και ἡμεις οφειλομεν αλληλους αγαπαν. θεον ουδεις πωποτε τεθεαται. εαν αγαπωμεν αλληλους, ὁ θεος εν ἡμιν μενει και ἡ αγαπη αυτου εν ἡμιν τετελειωμενη εστιν. εν τουτω γινωσκομεν ὁτι εν αυτω μενομεν και αυτος εν ἡμιν, ὁτι εκ του πνευματος αυτου δεδωκεν ἡμιν. και ἡμεις τεθεαμεθα και μαρτυρουμεν ὁτι ὁ πατηρ απεσταλκεν τον υἱον σωτηρα του κοσμου. ὁς εαν ὁμολογηση ὁτι ιησους εστιν ὁ υἱος του θεου, ὁ θεος εν αυτω μενει και αυτος εν τω θεω. και ἡμεις εγνωκαμεν και πεπιστευκαμεν την αγαπην ἡν εχει ὁ θεος εν ἡμιν. ὁ θεος αγαπη εστιν, και ὁ μενων εν τη αγαπη εν τω θεω μενει και ὁ θεος εν αυτω μενει. εν τουτω τετελειωται ἡ αγαπη μεθ᾽ ἡμων, ἱνα παρρησιαν εχωμεν εν τη ἡμερα της κρισεως, ὁτι καθως εκεινος εστιν, και ἡμεις εσμεν εν τω κοσμω τουτω. φοβος ουκ εστιν εν τη αγαπη αλλ᾽ ἡ τελεια αγαπη εξω βαλλει τον φοβον, ὁτι ὁ φοβος κολασιν εχει, ὁ δε φοβουμενος ου τετελειωται εν τη αγαπη. ἡμεις αγαπωμεν ὁτι αυτος πρωτος ηγαπησεν ἡμας. εαν τις ειπη ὁτι· αγαπω τον θεον. και τον αδελφον αυτου μιση, ψευστης εστιν, ὁ γαρ μη αγαπων τον αδελφον ὁν ἑωρακεν, τον θεον ὁν ουχ ἑωρακεν πως δυναται αγαπαν; και ταυτην την εντολην εχομεν απ᾽ αυτου, ἱνα ὁ αγαπων τον θεον αγαπα και τον αδελφον αυτου.
5:1 πας ὁ πιστευων ὁτι ιησους εστιν ὁ χριστος, εκ του θεου γεγεννηται, και πας ὁ αγαπων τον γεννησαντα αγαπα και τον γεγεννημενον εξ αυτου. εν τουτω γινωσκομεν ὁτι αγαπωμεν τα τεκνα του θεου, ὁταν τον θεον αγαπωμεν και τας εντολας αυτου ποιωμεν. αὑτη γαρ εστιν ἡ αγαπη του θεου, ἱνα τας εντολας αυτου τηρωμεν. και αἱ εντολαι αυτου βαρειαι ουκ εισιν, ὁτι παν το γεγεννημενον εκ του θεου νικα τον κοσμον. και αὑτη εστιν ἡ νικη ἡ νικησασα τον κοσμον, ἡ πιστις ἡμων. τις εστιν ὁ νικων τον κοσμον ει μη ὁ πιστευων ὁτι ιησους εστιν ὁ υἱος του θεου;
5:6 οὑτος εστιν ὁ ελθων δι᾽ ὑδατος και αἱματος, ιησους χριστος. ουκ εν τω ὑδατι μονον αλλ᾽ εν τω ὑδατι και τω αἱματι. και το πνευμα εστιν το μαρτυρουν, ὁτι το πνευμα εστιν ἡ αληθεια. ὁτι τρεις εισιν οἱ μαρτυρουντες
το πνευμα και το ὑδωρ και το αἱμα, και οἱ τρεις εις το ἑν εισιν. ει την μαρτυριαν των ανθρωπων λαμβανομεν, ἡ μαρτυρια του θεου μειζων εστιν, ὁτι αὑτη εστιν ἡ μαρτυρια του θεου ὁτι μεμαρτυρηκεν περι του υἱου αυτου. ὁ πιστευων εις τον υἱον του θεου εχει την μαρτυριαν εν ἑαυτω, ὁ μη πιστευων τω θεω ψευστην πεποιηκεν αυτον, ὁτι ου πεπιστευκεν εις την μαρτυριαν ἡν μεμαρτυρηκεν ὁ θεος περι του υἱου αυτου. και αὑτη εστιν ἡ μαρτυρια ὁτι· ζωην αιωνιον εδωκεν ἡμιν ὁ θεος και αὑτη ἡ ζωη εν τω υἱω αυτου εστιν. ὁ εχων τον υἱον εχει την ζωην, ὁ μη εχων τον υἱον του θεου την ζωην ουκ εχει.5:13 ταυτα εγραψα ὑμιν ἱνα ειδητε ὁτι ζωην εχετε αιωνιον, τοις πιστευουσιν εις το ονομα του υἱου του θεου. και αὑτη εστιν ἡ παρρησια ἡν εχομεν προς αυτον, ὁτι εαν τι αιτωμεθα κατα το θελημα αυτου, ακουει ἡμων. και εαν οιδαμεν ὁτι ακουει ἡμων ὁ εαν αιτωμεθα, οιδαμεν ὁτι εχομεν τα αιτηματα ἁ ητηκαμεν απ᾽ αυτου.
5:16 εαν τις ιδη τον αδελφον αυτου ἁμαρτανοντα ἁμαρτιαν μη προς θανατον, αιτησει και δωσει αυτω ζωην, τοις ἁμαρτανουσιν μη προς θανατον. εστιν ἁμαρτια προς θανατον, ου περι εκεινης λεγω ἱνα ερωτηση. πασα αδικια ἁμαρτια εστιν, και εστιν ἁμαρτια ου προς θανατον. οιδαμεν ὁτι πας ὁ γεγεννημενος εκ του θεου ουχ ἁμαρτανει αλλ᾽ ὁ γεννηθεις εκ του θεου τηρει αυτον και ὁ πονηρος ουχ ἁπτεται αυτου. οιδαμεν ὁτι εκ του θεου εσμεν, και ὁ κοσμος ὁλος εν τω πονηρω κειται. οιδαμεν δε ὁτι ὁ υἱος του θεου ἡκει και δεδωκεν ἡμιν διανοιαν ἱνα γινωσκωμεν τον αληθινον. και εσμεν εν τω αληθινω, εν τω υἱω αυτου ιησου χριστω. οὑτος εστιν ὁ αληθινος θεος και ζωη αιωνιος.